شام میں امریکہ کے پہلے فضائی حملے میں 120 سلفی وہابی دہشت گرد ہلاک

مہر خبررساں ایجنسی نے النشرہ کے حوالے سے نقل کیا ہے کہ شام میں سرگرم دہشت گرد تنظیم داعش کے خلاف پہلی امریکی فضائی کارروائی کے دوران داعش کے کم از کم 70 دہشت گرد اور القاعدہ سے وابستہ دہشت گرد گروہ النصرہ فرنٹ کے 50  دہشت گرد ہلاک اور سیکڑوں زخمی ہوگئے ہیں ان حملوں میں امریکہ کو سعودی عرب ،اردن، قطر، امارات اور بحرین کا بھر پور تعاون حاصل ہے۔اطلاعات کے مطابق امریکہ کے جنگی طیاروں نے شام کے شمالی اور مشرقی علاقوں میں داعش کے ٹھکانوں کو نشانہ بنایا جس کے نتیجے میں 70 سے زائد داعش دہشت گرد اور تقریبا 50 القاعدہ کے دہشت گرد ہلاک ہوگئے۔ادھر بحرین کا کہنا ہے کہ اس کے جیٹ طیاروں نے بھی داعش کے خلاف امریکی فضائی کارروائی میں حصہ لیا، وزارت دفاع کی جانب سے جاری ہونے والے بیان کے مطابق بحرین کی ایئر فورس نے خلیج تعاون کونسل اور دیگر اتحادی ممالک کی فضائیہ کے ساتھ مل کر شام میں داعش اور النصرہ دہشت گردوں کے ٹھکانوں کو نشانہ بنایا جبکہ خطے کی سیکیورٹی صورتحال اور قیام امن کے لئے عالمی کوششوں کے ساتھ تعاون کیا جائے گا۔ داعش دہشت گردوں کے خلاف امریکہ کو فضائی حملوں میں سعودی عرب ،اردن، قطر، امارات اور بحرین کا بھر پور تعاون حاصل ہے۔ یہی وہ عرب ممالک ہیں جو پہلے امریکہ کے ساتھ ملکر داعش دہشت گردوں کو مالی اور جنگی وسائل فراہم کرتے رہے ہیں۔